K-12: Napapanahon na ba?

Pagkatapos ng mahabang proseso sa kongreso, ang Pilipinas ay nagpapatupad na ng K-12 kurikulum. Ang nasabing kurikulum ay naglalayong dagdagan ng dalawa pang taon ang pag-aaral sa basic education. Nais ng Deped na sa pamamagitan ng sistemang ito ay bubuti na ang kalidad ng edukasyon sa bansa.

Kilala rin sa tawag na K-6-4-2 ang kurikulum na ang ibig sabihin ay K (isang taon sakindergarten), 6 (anim na taon sa elementarya), 4 (apat na taon sa junior highschool) at 2 (dalawang taon sa senior highschool).Kasalukuyan nang ipinapatupad ang unang bahagi nito sa mga batang mag-aaral, sila ay sapilitang papasok muna sa Kindergarten sa loob ng isang taon bago makatungtong ng Grade 1. Ang ikalawang bahagi nito na pagdaragdag ng dalawang taon ay maipatutupad sa taong sy. 2016-2017. Ang mga papasok na freshmen sa kaparehas na taon ay ang mga magiging unang benepisyaryo ng libreng senior-high school education.

Ayon sa mga pag-aaral na ginawa sa bansa, ang pagkakaroon ng dalawang pang taon ay makadaragdag sa kita ng pamahalaan. Kinakailangan ng nasabing kurikulum ng estimang P150 bilyon para sa pagpapatayo ng 152,599 silid aralan, pagbili ng 95.6 milyong libro at 13.2 milyong upuan at pagdaragdag ng 103,599 mga guro.

Oo, napapanahon na ang K-12 sa ating bansa. Maihahanda pa nang husto ang mga mag-aaral sa dagdag na dalawang taon sa pagpasok sa kolehiyo. Malaki rin ang maitutulong nito sa pagbilis ng pag-unlad n gating ekonomiya. May mga pag-aaral na nagpakita na ang pagkakaroon ng karagdagang taon ay magpapataas ng ating GDP (Growth Domestic Product) 2%.

Ang K-12 ay magbibigay ng dalawang pang taon upang bigyan ang mag-aaral ng mga ideya kung ano ang kanilang maaring kuning kurso , ng sa gayon sila ay maging handa sa kanilang tatahakin. Magiging inpormado sila sa ating ekonomiya na makatutulong sa pagunlad n gating bansa.

Ang Pilipinas na lang ang bansa sa asya na hindi nagapatupad ng nasabing kurikulum. Ito ang dahilan ng hindi patas na pagtingin sa mga manggagawa na nagtatrabaho sa ibang bansa. Kalimitan silang pinapa-retake ng liscensure exams upang mapatunayang sila ay kwalipikado sa trabaho.

Kung titignan nating mabuti, ang K-12 ay hindi na man talaga karagdagang gastos at imbes ay nakatutulong upang mabawasan ang gastusin ng mga magulang. Sa kasalukuyan ang mga magulang ay gumagaston para sa apat na taon sa college upang magkaroon ng anak na maaring makapagtrabaho. Ang dagdag na dalawang taon ay hindi naman babayaran ng mga magulang sa halip ay ito ay makatutulong upang ang kanilang mga anak ay makapagtrabaho.

Marami pa ang dapat ayusin ng gobyerno upang maipatupad ng maayos ang nasabing bill. Higit na panahon sa paghahanda ng mga resorses na kinakailangan sa pag-unlad ng ating edukasyon. Marapat na tayo ay makipagsabayan sa kalakalan ng pag-aaral sa mundo nang sa gayon ang ating mga propesyunal ay hind maging huli sa larangan ng edukasyon. Oo, napapanahon na.

Divorce Bill: Aprub ba kay Juan?

Noong nakaraang ika-1 ng Hunyo taong 2011, sa pangunguna ni Gabriela Women’s party-list Rep. Luzviminda Ilagan inihayag sa publiko ang nilalaman ng House bill 1799 o mas kilala sa tawag na Divorce bill. Hindi narin ito bago dahil ilang beses na ring ipinasa ito sa senado ng 13^th at 14^th congress, at ngayon ng 15^th congress ngunit hindi naipatupad. Nilalayon ng nasabing bill na gawing legal ang Divorce sa bansa na siyang magpapadali sa paghihiwalay ng isang mag-asawa.

Sari-saring mga reaksyon ang natamo nito mula sa mga Pilipino,Karamihan ay pumabor at may mga ilan lang na kumontra. Katunayan, ayon sa ginawang surbey ng SWS noong ika-2 ng hunyo, 50 bahagdan ng mga Pilipino ay pumabor, 34% ay hindi, at 16% ay wala paring desisyon ukol sa nasabing issue.

 Malaki ang impluwensiya ng simbahan upang mangilan-ngilan sa mga Pilipino ay hindi umayon sa nasabing bill. Ayon sa simbahan, kung ang bill ay maipatutupad mawawala na ang tunay na kahulugan ng kasal sa mga Pilipino. Ang pag-aasawa raw ay dapat pinag-iisipang maigi sapagkat sa oras na ikaw ay ikasal na hindi na maaring magbago pa ang isip mo.

“Ang bill na ito ay hindi naglalayon na wasakin ang tunay na kahulugan ng pamilya, imbes nais pa nitong palakasin ang pagsasama ng isang mag-asawa.” Ang sagot ni Ilagan sa simbahan.

Sa aking palagay ay nararapat nan gang ipasa ang bill sapagkat ito ang magiging sagot upang mapadali ang pakikipaghiwalay ng mga minaltratong kakababaihan sa kanilang asawa. Mas magiging maganda ang buhay ng bata kung ito ay mapapalaki sa isang maayos na pamilya na maari naming buuin ng isang magulang.

Maari pang malagay sa peligro ang bata kung ito ay mananatili sa isang pamilya na kung saan ang mga magulang ay hindi nagkakasundo.

Kung ating ikukumpara sa annulment, higit na mas maliit ang halagang kakailanganin sa pakikipaghiwalay kung divorce ang gagawin. Magiging abot kamay na rin sa mga mahihirap ang pakikipaghiwalay, hindi tulad sa annulment na tanging mayayaman lang ang nakakagawa.

Ang bill ay para sa mga pamilyang Pilipino, wala itong nais na padamihin ang kaso ng paghihiwalay na sumisira ng isang pamilya. Nais lang nito na pagandahin ang kinabukasan ng mga batang nasa isang magulong pamilya. Nawa’y magbukas ang isipan ng mga taong tumutuligsa dito sapagkat ito ay para sa kabutihan ng bawat batang Pilipino.

                                                                                                                                                                 

BOB ONG "A life changing author"

"A life changing author" these are the best words to describe Bob Ong. We are still in search of the real identity of this person but several reports said that he is a teacher from a famous university here in Manila. Anyways, I'm an avid fan of his books and I can say that his collection of books are really interesting. Here are some:

1.A B N K K B S N P L 

Bakit namamalo si Miss Uyehara?

May mga notebook bang lumilipad?

Bakit masakit sa ulo ang Mafhemafics?

Ano ang lihim sa likod ng pagkakaibigan nila Pepe at Tagpi?

Bakit may mga taong nakapikit sa litrato?

Masarap ba ang Africhado?

Sino si Tigang?

Bakit may mga classroom na kulang ang upuan?

Masama bang mag-isip nang malalim habang naglalakad?

                                    Saan ang Ganges River sa Pilipinas?

2. Bakit Baliktad Magbasa ng Libro Ang Mga Pilipino? Mga Kwentong Barbero ni Bob Ong

Siguro alam mo na kung ano ang africhado, kung saan ang Ganges River sa Pilipinas, at kung bakit may mga taong umaakyat ng overpass pero hindi naman tumatawid. Pero alam mo na rin ba kung bakit sa ilalim ng overpass tumatawid ang mga Pilipino? Kung ano ang lasa ng Toning Water? Kung sino sila Ciriaco, Procopio, Espiridiona, Troadio, at Maxima? Kung paano makipagkaibigan sa mga bangaw? Kung ano ang nagpapaalat sa itlog na maalat? Kung ano ang alam ni Claire Danes na hindi mo alam? At kung bakit nagbabasa pa rin ang mga Pilipino kahit sabihan pang "Bawal Basahin ang Nakasulat Dito"?

3. Ang Paboritong Libro Ni Hudas

 Marami ka ngang alam, pero tila yata hindi mo alam ang pinaka importanteng bagay tungkol sa libro. 

Ano? 

 Pagkatapos mong basahin ito, mamamatay ka. 

HA?!?! 

 Surprise! 

Sandali... alam ko biro lang ‘yon, diba? 

Depende. 

Hiram lang ba ang kopya mo ng libro tapos hindi mo na ibinalik sa may-ari? 

                                    Hindi ah! 

                                    Shoplifter ka? 

                                    Lalong hindi! 

                                    Tinapos mo lang bang basahin sa tindahan ang libro at hindi mo binili?                                          

                                    Hindi rin! 

                                    Nagpa-xerox ka? 

                                    Ba’t mo alam?

 4.Alamat ng Gubat

Welcome to the Jungle! 

Samahan si Tong at ang kanyang mga kaibigan sa napakasayang alamat ng kahayupan sa Saging Republic. Makibahagi sa kuwentong garantisdong hindi kapupulutan ng aral. At salubungin ang napakagandang bukas na naghihintay sa ating lahat! 

Alamat mo. Alamat ko. Alamat ng gubat. 

Ang Librong Pambata Para sa Matatanda! 

5.Stainless Longganisa

Pagkatapos ng ABNKKBSNPLAKo?!, Bakit Baligtad Magbasa Ng Libro Ang Mga Pilipino?, Ang Paboritong Libro Ni Hudas, at Alamat Ng Gubat, ipinagpapatuloy ni Bob Ong sa librong ito ang kanyang ikalimang pagkakamali-- ang magkwento tungkol sa sarili n'yang mga libro, bagay na di ginagawa ng mga matitinong manunulat. Ito ang Stainless Longganisa, mga kwento ng nagtataeng ballpen sa kahalagahan ng pagbabasa, pag-abot ng mga pangarap, at at tamang praan nG pagsusulat,

 Aside from his books, he is also famous because of his quotations. Just wait my readers for my next blog about his famous "kowts."

Nagiisa nating tahanan

Minsan, sa aking paglalakad sa kamaynilaan masangsang na amoy sa akin ay sumambulat. Sa paglibot ng aking mga mata sa kapaligiran makakapal na usok ang bumabalot sa kalangitan. Ako’y nagmagtyag kung saan nagngagaling ang maduduming usok at aking nakita ang mga sasakyang humaharurot at nagbubuga ng itim na usok na siya rin naming inilalabas ng mga pabrikang nagkalat sa kamaynilaan. Hindi na rin ako nabigla sa aking mga nasaksihan sapagkat simula ng ako’y isilang ay ganoon na rin ang kalagayan ng ating kapaligiran. Malayong-malayo sa mga ikinukwento ng aking mga magulang. Ang sabi pa nga ng aking itay na noong daw kabataan niya ay marami pang puno ang bumabalot sa kamaynilaan. Dahil nga raw rito , sa tuwing hihinga sila ay pagkasariwa ng hanging kanilang nalalasap. Tumingin ulit ako sa paligid , pinagmasdan kung may mga natirang puno pa rito, mayroon pa naman ngunit bibihira. Tinanong ko ang aking sarili, ano ba ang nangyari at tila nagbago ang ating tahanan.

Ilang beses na ba natin narinig ang salitang “Global warming?” Marahil ay marami na sa atin ang pamilyar na sa salitang ito , ang Global warming ay ang pag-init ng temperature n gating mundo dulot ng mga “CFC (chlorofluorocarbon) gases” na na-trap sa ating atmospera,dulot ito ng maraming carbon dioxide na bumabara sa atmospera na mula sa mga sasakyan at mga pabrika na dapat sana ay nakukuha ng mga puno ngunit dahil nga sa pinagpuputol na ang mga ito , kakaunti na ang bumabawas sa maduming hangin na ito.  

“Climate change” ang bunga ng Global warming, ang climate change ay ang biglaang pagbabago ng klima ng isang lugar, Patunay nito ang pagkatunaw ng mga “Ice glaciers” sa north pole na maaring magdulot ng malawakang pagbaha kung ito ay magpapatuloy. Isa pang sintomas ng climate change ay ang pagkakaroon ng mga bagyo sa buwa ng abril na dapat sanang mainit at tuyo. Ang taong 2010 ay kinonsiderang pinakamainit na taon sa kasaysayan na maaring palitan ng kasalukuyang taon. Ilang patunay pa ba ang nais nating masaksihan? Hihintayin paba natin na magkatotoo ang mga pelikulang nagpapakita ng katapusan ng mundo? Oras na , upang tayo ay magkaisa at magkapit kamay sa pagaksyon laban sa patuloy na paglala ng Global warming na siyang sisira sa nag-iisang tahanan nating mga nilalang ang “Mundo’

Napakaraming paraan upang maiwasan ang patuloy na paglala ng global warming. Isa na rito ang pagiwas sa paggamit ng mga plastic at styro o iba pang mga material na hindi nabubulok sapagkat bukod sa nakadadagdag ito ng kalat sa ating katubigan ay naglalabas rin ito ng carbon. Gumamit ng bisikleta o kaya naman, kung maaari ay gumamit na lamang ng mga pampublikong sasakyan kapag aalis upang makabawas tayo sa pagakumula ng carbon sa atmospera. Ngunit ang pinakamahalaga sa lahat ay ang pagtitipid sa pagkonsumo ng mga gamit upang maiwasan ang pagkaubos ng mga natural na yaman ng ating tahanan.

Marami tayong magagawa upang makatulong sa pagsagip ng ating tahanan. Huwag nating isipin na wala ng solusyon sa problemang ito. Oo, nangangailangan ito nangaingailangan ito ng maraming panahon at pagtitiyaga pero kung lahat tayo ay magtutulungan , hindi magiging imposible ang pagliligtas sa nagiisa nating tahanan, ang Mundo.